شباب عابود
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
توضع بنفس

هل الزمالك يتلقى ظلم مقصود في مصر لندرس الوقائع

استعرض الموضوع السابق استعرض الموضوع التالي اذهب الى الأسفل

متميز هل الزمالك يتلقى ظلم مقصود في مصر لندرس الوقائع

مُساهمة من طرف Admin في الثلاثاء 5 يوليو - 8:06

منتديات زمالك تي في منتديات بيت الزمالكوية الأول على الانترنت > الزمالك > موضوع للمناقشة > هل الزمالك يعاني من عقدة الاضطهاد أم أنه فعلا مظلوم...أدخل و ذكرنا بظلم الزمالك عبر التاريخ

--------------------------------------------------------------------------------

المساعد الشخصي الرقميمشاهدة النسخة كاملة : هل الزمالك يعاني من عقدة الاضطهاد أم أنه فعلا مظلوم...أدخل و ذكرنا بظلم الزمالك عبر التاريخ


--------------------------------------------------------------------------------

mmmyousef04-29-2010, 10:27 PM
انتشرت في الآونة الأخيرة مقالات و موضوعات تدور كلها حول فكرة أن الزمالك يعاني من عقدة اضطهاد و أنه فعليا لا أحد يظلم الزمالك و أننا-كجمهور الزمالك-نتخيل فقط أننا مظلومون.
و ردا على هذه الادعاءات فتحت هذا الموضوع ليكتب كل من يتذكر حالة ظلم واضحة للزمالك عبر تاريخه و في النهاية نستطيع حصر الحالات و تقييم فعلي لأنفسنا....هل الزمالك مظلوم بالفعل أم أننا نعاني من حالة هلوسة جماعية.
أبدأ الموضوع بالتذكير أن الظلم الواضح للزمالك في العصر الحديث بدأ فعليا عام 1976 بعد إعلان جيهان السادات في أحد البرامج التليفزيونية أن بيت الرئاسة كله أهلاوي و أنهم يبيتون في نكد عند خسارة الأهلي. و من وقتها لم يجرؤ أحد أن يتسبب في نكد بيت الرئاسة!!!!!

و نبدأ بالواقعة الأولى
عام 1976 و في دوري المجموعتين كان الزمالك يلعب مع المحلة على المركز الأول في إحدى المجموعتين و أحرز المحلة هدفين متتاليين ثم سيطر الزمالك تماما و سجل طه بصري هدفا و كان واضحا أن الزمالك في الطريق للفوز. ثم حدثت واقعة ادعاء عمر عبدالله لاعب المحلة الإصابة بطوبة و من ثم إسرع الحكم السيئ جدا رزق شحاته بإلغاء المباراة - و كإنه ما صدق - و اجتمع اتحاد الكرة و قرر احتساب المباراة 2-0 للمحلة و خسر الزمالك الدوري. الظلم هنا في أن أحدا لم يتأكد من إصابة اللاعب بالفعل و لكن تجمع لاعبو المحلة و جهازهم حول اللاعب و فوجئنا به يربط رأسه و الحكم يلغي المباراة. و لم تفلح مطالبة الزمالك بعدها بتوقيع الكشف الطبي على اللاعب و كأن اتحاد الكرة هو الآخر ما صدق. و مازلت أعتقد صادقا أن عمر غبدالله قام بتمثيلية ساعده فيها الحكم المتحيز و الاتحاد الأحمر.

الواقعة الثانية:
في مباراة الدور قبل النهائي لكأس مصر 1977 بين الزمالك و الإسماعيلي كان يجري هذا الدور على نظام المباراتين داخل و خارج الأرض. و في القاهرة تقدم الإسماعيلي بهدف, و قبل نهاية المباراة سجل حسن شحاته هدفا صحيحا و لكن مساعد الحكم فؤاد جودة أشار بالتسلل و جرى حسن شحاته منفعلا ناحيته و لكن المساعد رفع رايته و استدعى الحكم الذي طرد شحاته على الفور. و تم إيقافه لنهاية الموسم بدون تحقيق. و لكن عدالة السماء تدخلت و فاز الزمالك في المباراة الثانية في الإسماعيلية بهدفين و صعد إلى النهائي و فاز بالكأس

أكتفي بهاتين الواقعتين - مع تذكري للعديد من الوقائع الأخري - لإفساح المجال أمام الأصدقاء لينعشوا ذاكرتهم.

أكتبوا ليتذكر من نسي و ليعلم من لا يعلم حقيقة الظلم التاريخي الواقع على الزمالك.

د. محمد يوسف

--------------------------------------------------------------------------------

TheAmiro04-29-2010, 10:46 PM
1- بداية موسم 85 - 86 وذلك قبل رحيل مجلس محمد احمد مباشرة وسط دعوات الخمورجي صالح سليم قرر مجلس محمد احمد في اغرب القرارات منع اللعيبة الاجانب في الدوري المصري ليرحل الاسطورة ايمانويل كوارشي من الزمالك والاعظم في تاريخ افريقيا جوزيف انطوان بل ومعه عبدالرزاق احسن لاعب افريقي من المقاولين , ليعود الاتحاد المصري قبل بدء موسم 89 - 90 ليسمح بعودة الاجانب

2- موسم 94 الجوهري تعاقد مع الغاني جو اتشيري
لأول مرة في التاريخ يعترض اتحاد على بدل اللاعيبة الاجانب ويوافق على بدل الاعيبة المصريين في الدوري مع السماح ببدل الاجانب في الكأس وبناء علية تم منع اوتشيري من اللعب في الدوري رغم ان الجوهري كان شايف انة مهاجم حكاية ومع رحيل الجوهري اصبح اوتشيري عديم الفائدة

--------------------------------------------------------------------------------

* D ! D 0 *04-29-2010, 10:48 PM
هدف حسن شحاتة الملغى قدام الأهلى و ضيع مننا الدورى ... كورة تتحط فى موسوعى جينيس للتع*** التحكيمى

--------------------------------------------------------------------------------

TheAmiro04-29-2010, 10:50 PM
لامين وسورين الثنائي المالى في سلة الزمالك مش متذكر موسم كام لكن اتحاد السلة يقرر الغاء الاجانب لوجودهم في مسابقات كورة السلة ثم يعود بعد سنتين ليعيد الاجانب تانى

--------------------------------------------------------------------------------

S c i e n t i s t04-29-2010, 10:51 PM
أصلا اللى يقول "عقدة اضطهاد" تعرف على طول انه انسان كاذب معندوش ضمير.. أو انسان مغيب مش متابع كورة و بيقرا الكذب ده و يصدقه عن جهل.. و معظم الناس من الصنف الأول..

--------------------------------------------------------------------------------

mmmyousef04-29-2010, 10:56 PM
1- بداية موسم 85 - 86 وذلك قبل رحيل مجلس محمد احمد مباشرة وسط دعوات الخمورجي صالح سليم قرر مجلس محمد احمد في اغرب القرارات منع اللعيبة الاجانب في الدوري المصري ليرحل الاسطورة ايمانويل كوارشي من الزمالك والاعظم في تاريخ افريقيا جوزيف انطوان بل ومعه عبدالرزاق احسن لاعب افريقي من المقاولين , ليعود الاتحاد المصري قبل بدء موسم 89 - 90 ليسمح بعودة الاجانب

2- موسم 94 الجوهري تعاقد مع الغاني جو اتشيري
لأول مرة في التاريخ يعترض اتحاد على بدل اللاعيبة الاجانب ويوافق على بدل الاعيبة المصريين في الدوري مع السماح ببدل الاجانب في الكأس وبناء علية تم منع اوتشيري من اللعب في الدوري رغم ان الجوهري كان شايف انة مهاجم حكاية ومع رحيل الجوهري اصبح اوتشيري عديم الفائدة

كده الواقعة الثالثة و الرابعة
شكرا يا أمير باشا
بمناسبة منع الأجانب سنة 85 كان في المصري اتنين إيرانيين حكاية: قاسم بور و عبدالرضا بارزكري و المصري أخد المركز التالت مرتين لأول و آخر مرة في تاريخه. و سبب منع الأجانب الأساسي هو فشل الأهلي في التعاقد مع أجنبي مميز بعد اكتشاف إصابة جورج الحسن بإصابة مزمنة و عدم الاستفادة منه. و مع تميز الزمالك و المقاولون و المصري و تكرار فوزهم على الأهلي قرر الاتحاد الأحمر منع الأجانب

--------------------------------------------------------------------------------

mmmyousef04-29-2010, 10:58 PM
هدف حسن شحاتة الملغى قدام الأهلى و ضيع مننا الدورى ... كورة تتحط فى موسوعى جينيس للتع*** التحكيمى

الواقعة الخامسة
الجول ده بالذات هو أسوأ ظلم تعرض له أي فريق في تاريخ الدوري المصري و يمكن في العالم.

--------------------------------------------------------------------------------

mmmyousef04-29-2010, 11:00 PM
لامين وسورين الثنائي المالى في سلة الزمالك مش متذكر موسم كام لكن اتحاد السلة يقرر الغاء الاجانب لوجودهم في مسابقات كورة السلة ثم يعود بعد سنتين ليعيد الاجانب تانى

والواقعة دي بالذات توضح أن استهداف الزمالك لا يقتصر على كرة القدم فقط لكنه استهداف للكيان كله بكل ألعابه.

--------------------------------------------------------------------------------

TheAmiro04-29-2010, 11:01 PM
أصلا اللى يقول "عقدة اضطهاد" تعرف على طول انه انسان كاذب معندوش ضمير.. أو انسان مغيب مش متابع كورة و بيقرا الكذب ده و يصدقه عن جهل.. و معظم الناس من الصنف الأول..


في اسلوب محترم للحوار الدكتور يوسف اللي فاتح التوبيك راجل مثقف وكبير في السن ولة احترامة لو مش عجبك رأية اختلف معاة في حدود الاحترام المتبادل او اترك التوبيك لكن تدخل تقول "تعرف على طول انه انسان كاذب معندوش ضمير" عيب جداااااا

--------------------------------------------------------------------------------

mmmyousef04-29-2010, 11:04 PM
أصلا اللى يقول "عقدة اضطهاد" تعرف على طول انه انسان كاذب معندوش ضمير.. أو انسان مغيب مش متابع كورة و بيقرا الكذب ده و يصدقه عن جهل.. و معظم الناس من الصنف الأول..

للأسف يا باشا حكاية عقدة الاضطهاد دي ماشيه جامد جدا اليومين دول
أنا فتحت الموضوع ده مخصوص علشان نجمع الحالات و يكون عندنا شبه حصر بها للرد على كل الكذابين معدومي الضمير.

--------------------------------------------------------------------------------

mmmyousef04-29-2010, 11:07 PM
في اسلوب محترم للحوار الدكتور يوسف اللي فاتح التوبيك راجل مثقف وكبير في السن ولة احترامة لو مش عجبك رأية اختلف معاة في حدود الاحترام المتبادل او اترك التوبيك لكن تدخل تقول "تعرف على طول انه انسان كاذب معندوش ضمير" عيب جداااااا

شكرا لك يا أستاذ أمير على دفاعك ده
الراجل بالتأكيد لا يقصدني بهذا الكلام لكن يقصد اللي بيتهموا الزمالك بالشعور بعقدة الاضطهاد هم اللي ماعندهمش ضمير
شكرا لك مرة أخرى

--------------------------------------------------------------------------------

M o h a m e d04-29-2010, 11:09 PM
الأهلي قرر يبقى فريق سنة 2004 لما فرقتهم و قعت و بقت بتشيل من الاسماعيلي بالاربعات كل ماتش هوب القايمة 30 لاعب و الأندية مفلسة و الزمالك بيتسرق الأهلي عمل فريق أفترى بيه 6 سنين ورا بعض زي ما انت شايف

--------------------------------------------------------------------------------

* D ! D 0 *04-29-2010, 11:09 PM
الراجل بالتأكيد لا يقصدني بهذا الكلام لكن يقصد اللي بيتهموا الزمالك بالشعور بعقدة الاضطهاد هم اللي ماعندهمش ضمير

--------------------------------------------------------------------------------

LibrA 77704-29-2010, 11:10 PM
ماتش قدري عبد العظيم وتعنت الاتحاد مع الزمالك وتعيينه للماتش رغم ان الزمالك كان معترض عليه والاهلي معترض على جمال صدقي , فالظلمة يعينوا الحكم الوحيد اللى احنا معترضين عليه

المحكمة الرياضية اللى اتعملت مخصوص لاابراهيم سعيد

--------------------------------------------------------------------------------

TheAmiro04-29-2010, 11:11 PM
شكرا لك يا أستاذ أمير على دفاعك ده
الراجل بالتأكيد لا يقصدني بهذا الكلام لكن يقصد اللي بيتهموا الزمالك بالشعور بعقدة الاضطهاد هم اللي ماعندهمش ضمير
شكرا لك مرة أخرى

اتمنى يكون كلامك صح يا دكتور يوسف
ومنتظرين توضيح من الاستاذ reaeg في اقرب وقت

--------------------------------------------------------------------------------

mmmyousef04-29-2010, 11:13 PM
الأهلي قرر يبقى فريق سنة 2004 لما فرقتهم و قعت و بقت بتشيل من الاسماعيلي بالاربعات كل ماتش هوب القايمة 30 لاعب و الأندية مفلسة و الزمالك بيتسرق الأهلي عمل فريق أفترى بيه 6 سنين ورا بعض زي ما انت شايف

يا أخي الفاضل فتح القائمة كان مجاملة للأهلي, و إذا فتحنا الموضوع لمجاملات الأهلي حنحتاج توبيكات كتييييييييييييير تانيه
ياريت الموضوع يكون عن ظلم الزمالك فقط

--------------------------------------------------------------------------------

M o h a m e d04-29-2010, 11:14 PM
فيه موسم اواخر التسعينات اعتقد 99 الزمالك طول الموسم متحسبلوش ولا بلنتي تخيلوا و فيه أخر ماتش قدام اسوان حسبولنا اتنين تقريبا بيصالحونا

كانت فضيحة أصلا

فيه سنة بتاعت الحكم الاسباني سنة 97 تقريبا الحكم حسب ضربتين جزاء للأهلي في الماتش منهم واحدة قمة الكوميديا اللي في الدنيا و بلنتييين متحسبوش لينا منهم واحدة جريمة يعني لصالح أيمن منصور يشوفها الأعمى

--------------------------------------------------------------------------------

* D ! D 0 *04-29-2010, 11:14 PM
ال 3 نقط يتوع ماتش الحدود

--------------------------------------------------------------------------------

nasser1404-29-2010, 11:15 PM
جون شحاته الملغي وحون عي خليل الملغي بقياده بلال الحكم الآسمر ويومها طلع هتاف عيله بلال عيله وسخه والآهلاويه ولاد وس// آما طوبه المحله فآنا والله يومها كنت في المدرج تالته شمال مايله لورا الجون كده ورشقت الطوبه في دماغ لاعب المحله وكان ممكن تتربط عادي ويكمل لكن طبعا اللؤم إياه اشتغل وكانه ضربته عرييه نقل مثلا وكنا واكلين المحله وجبنا جون ولسه نص الشوط الآول وفعلا مصدق الحكم ولغي الماتش وراح الدوري آونطه للفلح الآهلي آيامها خلص خامس بجداره عالدوري بس برضه كان موتهم وسمهم ناخد دوري

--------------------------------------------------------------------------------

mando 71704-29-2010, 11:16 PM
الزمالك فوق الجميع

--------------------------------------------------------------------------------

Cassanova-4-ever04-29-2010, 11:16 PM
مطش هاله وانبى 2 هدف وضربه جزاء لانبى لم يحتسبوا
محكمه ابراهيم سعيد
مطش الزمالك والشرطه والحكم بيقول متودناش فى داهيه
والبلاوى كتير كتير اوى

--------------------------------------------------------------------------------

TheAmiro04-29-2010, 11:16 PM
في كمان فضيحة رفع الايقاف عن غنام الاهلي واللي استقال بسببها صبري سراج

--------------------------------------------------------------------------------

mmmyousef04-29-2010, 11:21 PM
ماتش قدري عبد العظيم وتعنت الاتحاد مع الزمالك وتعيينه للماتش رغم ان الزمالك كان معترض عليه والاهلي معترض على جمال صدقي , فالظلمة يعينوا الحكم الوحيد اللى احنا معترضين عليه

المحكمة الرياضية اللى اتعملت مخصوص لاابراهيم سعيد

الواقعة السادسة: ماتش قدري عبدالعظيم و تعيينه رغم اعتراض الزمالك عليه. و بالرغم أنه لم يخطئ فعليا في قراراته في المباراة لكن لاعبي الزمالك كانوا مهزومين نفسيا قبل بدايتها بسبب تعيين هذا الحكم.
الواقعة السابعة: المحكمة الرياضية التي تشكلت فقط لتوقيع عقوبات هلامية على ابراهيم سعيد بعد انتقاله للزمالك. و لأسباب واهية جدا تقرر إيقاف اللاعب 6 أشهر و تغريمه 1.75 مليون جنيه مصري في عقوبة مزدوجة لم تحدث في تاريخ مصر. المثير للدهشة أن هذه المحكمة لم تجتمع بعدها مطلقا و كأنها تشكلت فقط لابراهيم سعيد. و بالمناسبة فإن ابراهيم سعيد رحل من الزمالك بسبب هذه القرارات لأن مجلس الإدارة وقتها رفض تحمل العقوبة و قرر خصمها من اللاعب اللي ما استحملش و ساب النادي.

--------------------------------------------------------------------------------

Y o u n e s04-29-2010, 11:22 PM
شكرا لك يا أستاذ أمير على دفاعك ده
الراجل بالتأكيد لا يقصدني بهذا الكلام لكن يقصد اللي بيتهموا الزمالك بالشعور بعقدة الاضطهاد هم اللي ماعندهمش ضمير
شكرا لك مرة أخرى

اتمنى يكون كلامك صح يا دكتور يوسف
ومنتظرين توضيح من الاستاذ reaeg في اقرب وقت

كلام حضرتك صح يا دكتور محمد
دكتور رفعت واحد من اكثر الشخصيات فى التى فى خلقا وعلما وهو يقصد ان اى حد بيقول ان الزمالك يعانى من عقدة الاضطهاد ماعندوش ضمير ودى طبعا حقيقة لان واضح وضوح الشمس كمية السفالات اللى بتحصل لنادينا العظيم

--------------------------------------------------------------------------------

Hesh04-29-2010, 11:22 PM
موسم 81-82 افجر قرار تحكيمي في التاريخ اغتيال فريق بواسطة حكم حيوان و مساعد قذر وسخ معدوم الضمير هدف حسن شحاتة الملغي في مرمى العلوج .

موسم 77-78 فجر تحكيمي و عهر غير مسبوق لكن عدالة السماء فوق الكل . ثلاثة اسابيع على نهاية الدوري مباراة الزمالك و العلوج المتقدمين بنقطة و لا بديل عن الفوز للزمالك لاعتلاء الصدارة خصوصا ان اخر مبارتين للعلوج امام البلاستيك الهابط للدرجة التانية و المحلة المعتاد على التساهل امامهم وقتها . هدف شرعي و صحيح تماما لعلي خليل في الشوط التاني و دون وجود اي راية من المساعد محمد سيهام يلغي الحكم البغل احمد بلال كان حكم وزنه ميتين كيلو و ساحب وراه مترين الهدف بداعي التسلل تقريبا اول هدف في التاريخ يلغى للتسلل دون وجود راية اصلا و دون اعتراض احد تنتهي المباراة بالتعادل و يتأكد الجميع ان الدوري اتسرق كالعادة . المباراة التي تليها يشاء ربنا سبحانه و تعالى ان عدله يتحقق العلوج وسط 80 الف علج امام البلاستيك الهابط يتعادلوا سلبي وسط مهرجان فرص ضائعة امعانا في الذل و لم ينتهي عهر منظومة العلوج الزمالك يفوز على الاولمبي في الاسكندرية بهدف لنجمه الاول وقتها حسن شحاتة و كان ساعتها فريق جامد جدا و كسب الزمالك في الدور الاول قام الحكم الحيوان العلج اسمه مصطفى القطران رئيس لجنة الحكام في مواسم عهر تحكيمي لاحقة يعطي انذار بلا اي سبب لحسن شحاتة نجم الزمالك الاول ليغيب بسببه عن اسبوع الحسم . الزمالك امام الاسماعيلي في الاسماعيلية و العلوج امام المحلة في القاهرة و الزمالك متقدم بتلت اهداف فارق مع تساوي النقاط . المحلة و حارس مرماها الحكم بعد كدة عبد الستار فتح مرماه لاربع اهداف و الزمالك فاز امام الاسماعيلي بهدفين و يفوز الزمالك بالدوري بفارق هدف و سبحان الله هذا الهدف اعتباري لان الزمالك في الدور الاول امام المحلة تقدم بهدف لطه بصري و وسط سيطرة كاملة جماهير المحلة اصابت الحكم بالطوب و الغيت المباراة و احتسبت حسب اللايحة 2-0 . الزمالك سرق امام العلوج في مباراة الحسم و ربنا سبحانه و تعالى اعاد الحق لصحابه و فاز الزمالك بالدوري . سنتها و اوتوبيس اللاعيبة ووراه اوتوبيسات الجماهير راجعة اصر زكي عثمان مدرب الفريق ان الوفد يعدي امام بيت الريس السادات رد على تصريح لجيهان السادات ان الريس بينام متنكد لما العلوج يخسروا و طبعا البلد كلها ميرضيهاش زعل الريس فكانوا بيرفعوا قرون للعلوج .

--------------------------------------------------------------------------------

حمدى بتشان04-29-2010, 11:24 PM
الزمالك والمصرى فى الكاس 2005 مباره الذهاب ببورسعيد الحكم محمد السيد لغى المباره بين الشوطين بعد ان ضربه سيد متولى لأحتسابه ضربه جزاء للزمالك لكنه اكمل المباره لدواعى امنيه لكن اتحاد الكوره بقياده عبده طالح الجحش ربنا يحرقه مطرح ما راح رفض احتساب نتيجه المباره 2-0 للزمالك ومباره العوده بالقاهره 2-2 وخرج الزمالك من الكاس

--------------------------------------------------------------------------------

Hesh04-29-2010, 11:26 PM
الواقعة السادسة: ماتش قدري عبدالعظيم و تعيينه رغم اعتراض الزمالك عليه. و بالرغم أنه لم يخطئ فعليا في قراراته في المباراة لكن لاعبي الزمالك كانوا مهزومين نفسيا قبل بدايتها بسبب تعيين هذا الحكم.


مش بس كدة يا استاذ محمد الفيلم الهابط قبل المباراة نزول 8 حكام ارض الملعب منهم حكم اماراتي و منهم جمال الغندور الي الفريقين مكنوش معترضين عليه و فجأة تعلن الاذاعة الحكم هو اهلي عبد العظيم العلج المتعصب الحيوان الي ممكن تتألف مجلدات عن مجاملاته لهم في مباريات سابقة و احد اسمين اعترض عليهم الزمالك رسميا في الاتفاق في مكتب عبد المنعم عمارة و العلوج اعترضوا على اسمين تانيين و تم الاتفاق ان الحكم هيكون برة الاسامي دي بحضور ممثلين عن الناديين . الفيلم الهابط كمان في حبس اعضاء مجلس ادارة الزمالك في المقصورة لقطع الاتصال مع الملعب مع الجهاز ليرضخ لبدء المباراة

--------------------------------------------------------------------------------

mmmyousef04-29-2010, 11:29 PM
فيه موسم اواخر التسعينات اعتقد 99 الزمالك طول الموسم متحسبلوش ولا بلنتي تخيلوا و فيه أخر ماتش قدام اسوان حسبولنا اتنين تقريبا بيصالحونا

كانت فضيحة أصلا

فيه سنة بتاعت الحكم الاسباني سنة 97 تقريبا الحكم حسب ضربتين جزاء للأهلي في الماتش منهم واحدة قمة الكوميديا اللي في الدنيا و بلنتييين متحسبوش لينا منهم واحدة جريمة يعني لصالح أيمن منصور يشوفها الأعمى

الواقعة الثامنه: مباراة الحكم الأسباني أيام فريق الأحلام و ضربتين جزاء كفته للأهلي و عدم احتساب ضربتين للزمالك. فضيحة تحكيمية كبيرة.

--------------------------------------------------------------------------------

M A R W A N04-29-2010, 11:30 PM
في ماتش قمة في التسعينات كان بيحكمه حكم افريقي مش فاكر اسمه بعد ما صفر ضربة جزاء للزمالك رجع في كلامه و عملها ضربة حرة من برا ال18
مش فاكر مين اللاعب بس فاكر الواقعة و شكل الحكم قوي

--------------------------------------------------------------------------------

Hesh04-29-2010, 11:31 PM
فيه موسم اواخر التسعينات اعتقد 99 الزمالك طول الموسم متحسبلوش ولا بلنتي تخيلوا و فيه أخر ماتش قدام اسوان حسبولنا اتنين تقريبا بيصالحونا

كانت فضيحة أصلا

فيه سنة بتاعت الحكم الاسباني سنة 97 تقريبا الحكم حسب ضربتين جزاء للأهلي في الماتش منهم واحدة قمة الكوميديا اللي في الدنيا و بلنتييين متحسبوش لينا منهم واحدة جريمة يعني لصالح أيمن منصور يشوفها الأعمى

الواقعة الاولى كانت موسم 98-99 و رئيس لحنة الحكام كان مصطفى القطران العلج الاحمر المتعصب . موسم كامل متحسبش لنا فيه ولا ضربة جزاء الا في الاسبوع الاخير و طبعا في حالات كوميدية زي بنالتي محمد صبري ضد الاتحاد لما مدافع الاتحاد اتعلق في التيشيرت و فضل ماسكه جوة الصندوق و البلتاجي محسبش و منهم ماتش القناة الي العلج محمد ضياء مش بس محسبش ضربتين جزاء يراهم الاعمى في واقعة هي الاولى من نوعها لطش مدافع الزمالك عمرو فهيم بالقلم . الواقعة التانية باة سحورة قامت بالواجب كويس في الفندق الحكم كتر خيره انه جه الماتش و ركبه في الحالة دي

--------------------------------------------------------------------------------

mmmyousef04-29-2010, 11:32 PM
مطش هاله وانبى 2 هدف وضربه جزاء لانبى لم يحتسبوا
محكمه ابراهيم سعيد
مطش الزمالك والشرطه والحكم بيقول متودناش فى داهيه
والبلاوى كتير كتير اوى

الواقعتين التاسعة والعاشرة: ماتش الأهلي و إنبي و ماتش الزمالك و الشرطه هذا الموسم و أعتقد كل الناس شايفة اللي حصل فيهم

--------------------------------------------------------------------------------

mmmyousef04-29-2010, 11:33 PM
في كمان فضيحة رفع الايقاف عن غنام الاهلي واللي استقال بسببها صبري سراج

واقعة أخرى لمجاملة الأهلي

--------------------------------------------------------------------------------

Hesh04-29-2010, 11:33 PM
في ماتش قمة في التسعينات كان بيحكمه حكم افريقي مش فاكر اسمه بعد ما صفر ضربة جزاء للزمالك رجع في كلامه و عملها ضربة حرة من برا ال18
مش فاكر مين اللاعب بس فاكر الواقعة و شكل الحكم قوي

الحكم الاوغندي تشارلز ماسيمبي مباراة الدور الاول موسم 96-97 و خطأ ضد محمد يوسف لصالح قاسي سعيد داخل الصندوق و احتسبها فعلا و فضل ماشي لجوة الصندوق وسط اعتراضات لاعبي العلوج راح موطي جايب طوبة من الارض من جوة الصندوق راميها برة و راجع حاسب الكورة فاول من برة بدل بنالتي

--------------------------------------------------------------------------------

Hesh04-29-2010, 11:34 PM
الواقعة الثامنه: مباراة الحكم الأسباني أيام فريق الأحلام و ضربتين جزاء كفته للأهلي و عدم احتساب ضربتين للزمالك. فضيحة تحكيمية كبيرة.

الحكم اتوجب معاه و اتوصى كويس الراجل قضى ليلة زي الفل و كان لازم يرد الجميل يا استاذ محمد . سليلي عائلة الحرامية و النصابين الاولى قاموا بالواجب

--------------------------------------------------------------------------------

mmmyousef04-29-2010, 11:35 PM
موسم 81-82 افجر قرار تحكيمي في التاريخ اغتيال فريق بواسطة حكم حيوان و مساعد قذر وسخ معدوم الضمير هدف حسن شحاتة الملغي في مرمى العلوج .

موسم 77-78 فجر تحكيمي و عهر غير مسبوق لكن عدالة السماء فوق الكل . ثلاثة اسابيع على نهاية الدوري مباراة الزمالك و العلوج المتقدمين بنقطة و لا بديل عن الفوز للزمالك لاعتلاء الصدارة خصوصا ان اخر مبارتين للعلوج امام البلاستيك الهابط للدرجة التانية و المحلة المعتاد على التساهل امامهم وقتها . هدف شرعي و صحيح تماما لعلي خليل في الشوط التاني و دون وجود اي راية من المساعد محمد سيهام يلغي الحكم البغل احمد بلال كان حكم وزنه ميتين كيلو و ساحب وراه مترين الهدف بداعي التسلل تقريبا اول هدف في التاريخ يلغى للتسلل دون وجود راية اصلا و دون اعتراض احد تنتهي المباراة بالتعادل و يتأكد الجميع ان الدوري اتسرق كالعادة . المباراة التي تليها يشاء ربنا سبحانه و تعالى ان عدله يتحقق العلوج وسط 80 الف علج امام البلاستيك الهابط يتعادلوا سلبي وسط مهرجان فرص ضائعة امعانا في الذل و لم ينتهي عهر منظومة العلوج الزمالك يفوز على الاولمبي في الاسكندرية بهدف لنجمه الاول وقتها حسن شحاتة و كان ساعتها فريق جامد جدا و كسب الزمالك في الدور الاول قام الحكم الحيوان العلج اسمه مصطفى القطران رئيس لجنة الحكام في مواسم عهر تحكيمي لاحقة يعطي انذار بلا اي سبب لحسن شحاتة نجم الزمالك الاول ليغيب بسببه عن اسبوع الحسم . الزمالك امام الاسماعيلي في الاسماعيلية و العلوج امام المحلة في القاهرة و الزمالك متقدم بتلت اهداف فارق مع تساوي النقاط . المحلة و حارس مرماها الحكم بعد كدة عبد الستار فتح مرماه لاربع اهداف و الزمالك فاز امام الاسماعيلي بهدفين و يفوز الزمالك بالدوري بفارق هدف و سبحان الله هذا الهدف اعتباري لان الزمالك في الدور الاول امام المحلة تقدم بهدف لطه بصري و وسط سيطرة كاملة جماهير المحلة اصابت الحكم بالطوب و الغيت المباراة و احتسبت حسب اللايحة 2-0 . الزمالك سرق امام العلوج في مباراة الحسم و ربنا سبحانه و تعالى اعاد الحق لصحابه و فاز الزمالك بالدوري . سنتها و اوتوبيس اللاعيبة ووراه اوتوبيسات الجماهير راجعة اصر زكي عثمان مدرب الفريق ان الوفد يعدي امام بيت الريس السادات رد على تصريح لجيهان السادات ان الريس بينام متنكد لما العلوج يخسروا و طبعا البلد كلها ميرضيهاش زعل الريس فكانوا بيرفعوا قرون للعلوج .

الواقعة الحادية عشر: هدف علي خليل الي الغاه الحكم أحمد بلال و شكرا لك يا Hesh على الشرح المستفيض

--------------------------------------------------------------------------------

abu_ahmed04-29-2010, 11:35 PM
1- الزمالك هو الفريق الوحيد في العالم الذي يحتسب له ضربة جزاء ويجري الحكم مشيرا لنقطة الجزاء ثم يتوقف اللعب لإلقاء جمهور المنافس للطوب ويدخل رئيس لجنة الحكام للملعب ويتحدث مع الحكم ونفاجأ بعدها بأن الحكم غير رأية واحتسبها فاول من خارج المنطقة . حدث ذلك في مباراة الأهلي والزمالك 96-97 والتي حكمها الأوغندي تشارلز ماسيمبي
2- الزمالك هو الفريق الوحيد في العالم الذي يظلم بأن تضرب لجنة المسابقات والاتحاد المصري بتقرير الحكم عرض الحائط ولا تأخذ به حدث هذا في موسم 2004-2005كأس مصر وذكر الحكم محمد السيد صراحة في تقريره أنه ألغى المباراة بين الزمالك والمصري بعد تعدي رئيس النادي المصري عليه بين الشوطين ولكنه استكملها فقط للحفاظ على حياته كما ينص القانون ومع ذلك لم تحتسب المباراة 2-0 للزمالك

--------------------------------------------------------------------------------

M A R W A N04-29-2010, 11:36 PM
الحكم الاوغندي تشارلز ماسيمبي مباراة الدور الاول موسم 96-97 و خطأ ضد محمد يوسف لصالح قاسي سعيد داخل الصندوق و احتسبها فعلا و فضل ماشي لجوة الصندوق وسط اعتراضات لاعبي العلوج راح موطي جايب طوبة من الارض من جوة الصندوق راميها برة و راجع حاسب الكورة فاول من برة بدل بنالتي

مسخرة و الله
مين اوغندا دي عشان يجيبوا منها حكام(yz)

--------------------------------------------------------------------------------

Hesh04-29-2010, 11:36 PM
موسم 80-81 مباراة الدور التاني الحاسمة على اللقب اخرامي هرس حسن شحاتة جوة الصندوق و الحكم كان من تركيا محسبش حاجة و انتهت المباراة بالتعادل و ضاع الدوري بفارق نقطة

--------------------------------------------------------------------------------

Hesh04-29-2010, 11:39 PM
موسم 91-92 الحكم السكندري محمد فتحي مباراة الدور الاول ضد العلوج الزمالك خسران بهدف و الدقيقة الاخيرة توغل من اسماعيل يوسف جوة الصندوق حمادة صدقي قصه من الارض بتدخل حيواني و الحكم محسبش اي حاجة . اسماعيل من هول الموقف و الكورة الي متحسبتش ساب الملعب و خرج بدل ما يرتكب جنااية في الحكم

--------------------------------------------------------------------------------

mmmyousef04-29-2010, 11:40 PM
ال 3 نقط يتوع ماتش الحدود

الواقعة الثانية عشر: مشاركة لاعب الحرس أحمد عيد في مباراة الزمالك بعد إيقافه مباراة واحدة في واقعة تستوجب الإيقاف لثلاث مباريات على الأقل و ذلك حتى يلعب مباراة الزمالك. ثم اتخاذ اتحاد الجرذان القرار باعتماد النتيجة و اخبطوا دماغكم في الحيط

--------------------------------------------------------------------------------

M A R W A N04-29-2010, 11:45 PM
من الزمن الحديث
ستيفانو فارينا الايطالي يحرم الزمالك من ضربة جزاء يراها الاعمى لجمال حمزة بعد عرقلة امير الظلام له و النتيجة 0-0 قمة الدور التاني موسم 2007-2008 ...طبعا بعدها كسبوا 2-0

الحكم النمساوي اللي حكم سوبر الموسم اللي فات يلغي هدف للزمالك و يتغاضي عن بنالتي لاحمد عبد الرؤوف بنفس الطريقة و الزمالك يخسر 2-0

--------------------------------------------------------------------------------

mmmyousef04-29-2010, 11:46 PM
جون شحاته الملغي وحون عي خليل الملغي بقياده بلال الحكم الآسمر ويومها طلع هتاف عيله بلال عيله وسخه والآهلاويه ولاد وس// آما طوبه المحله فآنا والله يومها كنت في المدرج تالته شمال مايله لورا الجون كده ورشقت الطوبه في دماغ لاعب المحله وكان ممكن تتربط عادي ويكمل لكن طبعا اللؤم إياه اشتغل وكانه ضربته عرييه نقل مثلا وكنا واكلين المحله وجبنا جون ولسه نص الشوط الآول وفعلا مصدق الحكم ولغي الماتش وراح الدوري آونطه للفلح الآهلي آيامها خلص خامس بجداره عالدوري بس برضه كان موتهم وسمهم ناخد دوري

تصحيح بسيط للمعلومة يا أستاذ ناصر لأن ده توبيك للتاريخ
دوري الطوبة كان دوري 1976 و كان مجموعتين. الزمالك يتنافس مع المحلة في واحدة و الأهلي مع الاسماعيلي في الأخرى. تصدر المحلة بعد مهزلة الطوبة و الأهلي بعد فوزه على الاسماعيلي. و في نهائي الدوري فاز الأهلي على المحلة مرتين (1-0 و 4-0) و فاز بالدوري.
الدوري اللي تقصده حضرتك هو دوري 1972 لما فاز به المحلة و كان الزمالك التاني و الأهلي رابع.

--------------------------------------------------------------------------------

mmmyousef04-29-2010, 11:55 PM
الزمالك والمصرى فى الكاس 2005 مباره الذهاب ببورسعيد الحكم محمد السيد لغى المباره بين الشوطين بعد ان ضربه سيد متولى لأحتسابه ضربه جزاء للزمالك لكنه اكمل المباره لدواعى امنيه لكن اتحاد الكوره بقياده عبده طالح الجحش ربنا يحرقه مطرح ما راح رفض احتساب نتيجه المباره 2-0 للزمالك ومباره العوده بالقاهره 2-2 وخرج الزمالك من الكاس

الواقعة الثالثة عشر: مباراة الزمالك و المصري في الكاس ببورسعيد و اعتداء سيد متولي على الحكم و كتب الحكم في تقريره أنه ألغى المباراة فعليا و اضطر لاستكمالها شكليا. و اعتمد اتحاد الفراولة نتيجة المباراة بدلا من احتسابها للزمالك. و فشل درع الزمالك و سيفه سيادة المش مستشار في اختبار قوة بسيط أمام النادي المصري الذي لا يقارن مطلقا مع الزمالك و لكن الدرع المخروم و السيف المصدي لم يستطع انتزاع حقا واضحا للزمالك. بالمناسبة لم يكن الوحش رئيسا لهذا الاتحاد. بل كان عصام عبدالمنعم في أواخر أيامه أو زاهر في بداية فترته لا أذكر بالتحديد.

--------------------------------------------------------------------------------

Hesh04-29-2010, 11:57 PM
الواقعة الثانية عشر: مباراة الزمالك و المصري في الكاس ببورسعيد و اعتداء سيد متولي على الحكم و كتب الحكم في تقريره أنه ألغى المباراة فعليا و اضطر لاستكمالها شكليا. و اعتمد اتحاد الفراولة نتيجة المباراة بدلا من احتسابها للزمالك. و فشل درع الزمالك و سيفه سيادة المش مستشار في اختبار قوة بسيط أمام النادي المصري الذي لا يقارن مطلقا مع الزمالك و لكن الدرع المخروم و السيف المصدي لم يستطع انتزاع حقا واضحا للزمالك. بالمناسبة لم يكن الوحش رئيسا لهذا الاتحاد. بل كان عصام عبدالمنعم في أواخر أيامه أو زاهر في بداية فترته لا أذكر بالتحديد.

كان عصام عهدي ايوب يا استاذ محمد افجر اتحاد في التاريخ بالاشتراك مع اتحادات زهرة

--------------------------------------------------------------------------------

mmmyousef04-30-2010, 12:00 AM
الحكم الاوغندي تشارلز ماسيمبي مباراة الدور الاول موسم 96-97 و خطأ ضد محمد يوسف لصالح قاسي سعيد داخل الصندوق و احتسبها فعلا و فضل ماشي لجوة الصندوق وسط اعتراضات لاعبي العلوج راح موطي جايب طوبة من الارض من جوة الصندوق راميها برة و راجع حاسب الكورة فاول من برة بدل بنالتي

الواقعة الرابعة عشر: تغيير الحكم لقراره من ضربة جزاء واضحة إلى ضربة حرة خارج المنطقة في واقعة كوميدية...لكنها من نوع الكوميديا السوداء. والله ساعتها ماكنتش عارف أنا باضحك والا باعيط من المصيبة اللي بتحصل في الملعب. ثم هو فيه حد يجيب حكم من أوغندا؟؟؟؟؟؟!!!!!!!

--------------------------------------------------------------------------------

mmmyousef04-30-2010, 12:06 AM
موسم 80-81 مباراة الدور التاني الحاسمة على اللقب اخرامي هرس حسن شحاتة جوة الصندوق و الحكم كان من تركيا محسبش حاجة و انتهت المباراة بالتعادل و ضاع الدوري بفارق نقطة

الواقعة الخامسة عشر: ضربة جزاء يراها الأعمى لصالح حسن شحاتة ضد إكرامي حارس الأهلي. تصحيح بسيط يا باشا: حكم الماراة كان يوناني و مازال عندي عدد مجلة الزمالك اللي بيوصف الحكم ده بالجرسون اليوناني.

--------------------------------------------------------------------------------

Hesh04-30-2010, 12:07 AM
الواقعة الثالثة عشر: تغيير الحكم لقراره من ضربة جزاء واضحة إلى ضربة حرة خارج المنطقة في واقعة كوميدية...لكنها من نوع الكوميديا السوداء. والله ساعتها ماكنتش عارف أنا باضحك والا باعيط من المصيبة اللي بتحصل في الملعب. ثم هو فيه حد يجيب حكم من أوغندا؟؟؟؟؟؟!!!!!!!

هو الصراحة كان حكم كويس و مشهور في القارة و حكم قبلها ماتش قمة برضه قبلها بتلت سنين بتاع ايمانويل و صبري من غير اخطاء انما ايه الي حصله يومها مش فاهم كان في اواخر ايامه كحكم و بسبب ضغط لاعيبة العلوج عليه رجع في قراراه

--------------------------------------------------------------------------------

Hesh04-30-2010, 12:11 AM
موسم 71-72 مباراة الدور الاول يتقدم علي خليل للزمالك و يتعادل زيزو للعلوج و قبل النهاية بربع ساعة تقريبا حارس العلوج مروان كنفاني جوز بسلامتها نجوى ابراهيم ساعتها يعتدي على ابراهيم الدسوقي لاعب الزمالك ضربة جزاء صحيحة يحتسبها الديبة حكم المباراة و يحولها فاروق جعفر بنجاح هدف تاني و احداث شغب بعدها من من جماهير العلوج تلغى المباراة و يلغى الدوري كله رغم تصدر الزمالك للدوري

--------------------------------------------------------------------------------

mmmyousef04-30-2010, 12:14 AM
موسم 91-92 الحكم السكندري محمد فتحي مباراة الدور الاول ضد العلوج الزمالك خسران بهدف و الدقيقة الاخيرة توغل من اسماعيل يوسف جوة الصندوق حمادة صدقي قصه من الارض بتدخل حيواني و الحكم محسبش اي حاجة . اسماعيل من هول الموقف و الكورة الي متحسبتش ساب الملعب و خرج بدل ما يرتكب جنااية في الحكم

الواقعة السادسة عشر: ضربة جزاء أخرى واضحة كالشمس عرقل فيها مدافع الأهلي محمود صالح (و ليس حمادة صدقي) اسماعيل يوسف . الكل رآها ماعدا الحكم الهباب محمد فتحي. المحزن أن الأهلي فاز بالمباراة بهدف عبيط من محمد رمضان بضربة رأس من على حدود المنطقة دخلت في الحارس اللذيييييييذ حسين السيد بطريقة تشل. المحزن أكثر أن الهزيمة دي كانت الوحيدة للزمالك في أحد أفضل مواسمه اللي فاز فيه بالدوري و كان الأهلي في أسوأ حالاته و أنهى الدوري رابعا بعد الزمالك و الاسماعيلي و المحلة و انتزع المركز الرابع من الأوليمبي في الأسبوع الأخير.

--------------------------------------------------------------------------------

mmmyousef04-30-2010, 12:21 AM
من الزمن الحديث
ستيفانو فارينا الايطالي يحرم الزمالك من ضربة جزاء يراها الاعمى لجمال حمزة بعد عرقلة امير الظلام له و النتيجة 0-0 قمة الدور التاني موسم 2007-2008 ...طبعا بعدها كسبوا 2-0

الحكم النمساوي اللي حكم سوبر الموسم اللي فات يلغي هدف للزمالك و يتغاضي عن بنالتي لاحمد عبد الرؤوف بنفس الطريقة و الزمالك يخسر 2-0

الواقعة السابعة عشر: ضربة جزاء أخرى للزمالك في مبارياته مع الأهلي وهذه المرة يتعرض جمال حمزة للعرقلة الواضحة جدا من أمير عبدالحميد حارس الأهلي ولا يحتسبها الحكم الإيطالي و يخسر الزمالك المباراة.

الواقعة الثامنة عشر: ضربة جزاء أخري بنفس الطريقة لعرقلة أمير عبد الحميد (الرجل الخفي الذي لا يراه الحكام) لأحمد عبدالرءوف في التوغل الوحيد الذي قام به في حياته و لم يحتسبها الحكم النمساوي و أيضا خسر الزمالك المباراة.

--------------------------------------------------------------------------------

Hesh04-30-2010, 12:21 AM
شوية كوميديا باة مع قرارات القر د بتاع اليد و الباليه . موسم في اوائل الافية الغاء مباراة قمة بسبب شغب جماهير العلوج و الزمالك متقدم في النتيجة و اعتبار الفريقين مهزومين . عقوبة بخوض الزمالك مباريات موسم كامل خارج الارض كلها على ملعب الخصم . عثوبة بالايقاف عام لنجمي الزمالك حسام غريب و ايمن صلاح لمدة عام بداعي تناولهم العشاء خارج معسكر المنتخب و شوف الدنيا كان معاهم لاعبي العلوج جوهر نبيل و محمد عاشور لما خرجوا الاتنين بتوع الزمالك بس الي اتوقفوا . موسم في اوائل التسعينات تساوى الفريقين في كل شيء و انتهت جميع مبارياتهم في الموسم بالتعادل و تساووا في النقط و في فارق الاهداف و في عدد الاهداف المسجلة . تم اعلان العلوج ابطال للدوري قال ايه عشان كسبوا الزمالك الموسم الي قبله باين حاجة كدة . شطب الزمالك نادي القرن في اللعبة كأنه مش موجود . شطب احمد العطار نجم الزمالك . ايقاف 3 اعوام لحسام غريب .

--------------------------------------------------------------------------------

mmmyousef04-30-2010, 12:25 AM
موسم 71-72 مباراة الدور الاول يتقدم علي خليل للزمالك و يتعادل زيزو للعلوج و قبل النهاية بربع ساعة تقريبا حارس العلوج مروان كنفاني جوز بسلامتها نجوى ابراهيم ساعتها يعتدي على ابراهيم الدسوقي لاعب الزمالك ضربة جزاء صحيحة يحتسبها الديبة حكم المباراة و يحولها فاروق جعفر بنجاح هدف تاني و احداث شغب بعدها من من جماهير العلوج تلغى المباراة و يلغى الدوري كله رغم تصدر الزمالك للدوري

الواقعة التاسعة عشر: شغب لجماهير الأهلي يلغي اتحاد الكرة الدوري كله بسببه بدلا من عقاب الأهلي فقط. و السبب طبعا هو تصدر الزمالك للدوري.

--------------------------------------------------------------------------------

SoOo WHAT04-30-2010, 12:25 AM
فين الموسوعة الباشمهندس اتش هو اللي هيجيب من الاخر

--------------------------------------------------------------------------------

SoOo WHAT04-30-2010, 12:27 AM
ايه دا دا اتش موجود ازتي مخدتش بالي التوبيك منور كان لازم اعرف ان الهندسة كلها موجودة

--------------------------------------------------------------------------------

mmmyousef04-30-2010, 12:28 AM
شوية كوميديا باة مع قرارات القر د بتاع اليد و الباليه . موسم في اوائل الافية الغاء مباراة قمة بسبب شغب جماهير العلوج و الزمالك متقدم في النتيجة و اعتبار الفريقين مهزومين . عقوبة بخوض الزمالك مباريات موسم كامل خارج الارض كلها على ملعب الخصم . عثوبة بالايقاف عام لنجمي الزمالك حسام غريب و ايمن صلاح لمدة عام بداعي تناولهم العشاء خارج معسكر المنتخب و شوف الدنيا كان معاهم لاعبي العلوج جوهر نبيل و محمد عاشور لما خرجوا الاتنين بتوع الزمالك بس الي اتوقفوا . موسم في اوائل التسعينات تساوى الفريقين في كل شيء و انتهت جميع مبارياتهم في الموسم بالتعادل و تساووا في النقط و في فارق الاهداف و في عدد الاهداف المسجلة . تم اعلان العلوج ابطال للدوري قال ايه عشان كسبوا الزمالك الموسم الي قبله باين حاجة كدة . شطب الزمالك نادي القرن في اللعبة كأنه مش موجود . شطب احمد العطار نجم الزمالك . ايقاف 3 اعوام لحسام غريب .

طبعا الوقائع دي و غيرها كتير تثبت استهداف الزمالك ككيان مش بس كرة القدم لكن الكرة هي الواجهة اللي باينة

--------------------------------------------------------------------------------

Hesh04-30-2010, 12:30 AM
ايه دا دا اتش موجود ازتي مخدتش بالي التوبيك منور كان لازم اعرف ان الهندسة كلها موجودة

يا باشا ربنا يخليك بس احنا هنا في التوبيك معانا الموسوعة الاستاذ محمد يوسف الي بنتشرف بوجوده معانا والله و هو مرجعية ملهاش حل في تاريخ الزمالك و الكورة في مصر زملكاوي جميل من الزمن الجميل

--------------------------------------------------------------------------------

mmmyousef04-30-2010, 12:37 AM
مش عارف رأي المشرفين لكني أعتقد أن هذا التوبيك يمكن تثبيته لأن ظلم الزمالك تاريخي و مستمر حتى يومنا هذا و لأن الأعضاء محتاجين يفتكروا اللي حصل -و بيحصل- للزمالك علشان كل زملكاوي يكون عنده رد بالوقائع و التواريخ على ادعاءات الجهلة الجهلاوية بأن الزمالك مش مظلوم و إن احنا بس بيتهيألنا.
في خلال أقل من ساعة و نصف على فتح التوبيك كان هناك 55 رد و ده دليل على إن الناس مليانة و محتاجة إنها
تفضي شوية من اللي جواها علشان ترتاح.



Admin

مدير المنتدى
مدير المنتدى

عدد المساهمات : 680
نقاط : 1965
تاريخ التسجيل : 03/07/2009
العمر : 50

معاينة صفحة البيانات الشخصي للعضو http://aboud.ahlamontada.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى